🔰 Issiq havoda oziq-ovqat mahsulotlarini saqlash qoidalari

🔰 Issiq havoda oziq-ovqat mahsulotlarini saqlash qoidalari

Yozning jazirama kunlarida oziq-ovqat mahsulotlarini noto‘g‘ri saqlash turli ichak kasalliklari, zaharlanish va infeksiyalarga olib kelishi mumkin. Shu bois quyidagi qoidalarga amal qilish muhim:

📌 1. Tez buziladigan mahsulotlarni muzlatkichda saqlang
Go‘sht, sut, baliq, tuxum va tayyor ovqatlar +2…+6°C haroratda saqlanishi zarur.

📌 2. Tayyor ovqatni uzoq vaqt ochiq holda qoldirmang
Issiq havoda ovqatlar 2 soatdan ortiq tashqarida turmasligi kerak.

📌 3. Xom va pishgan mahsulotlarni alohida saqlang
Bu bakteriyalarning bir mahsulotdan boshqasiga o‘tishini oldini oladi.

📌 4. Mahsulotlarning yaroqlilik muddatini tekshiring
Muddatidan o‘tgan yoki sifati o‘zgargan mahsulotlarni iste’mol qilmang.

📌 5. Suv va ichimliklarga e’tiborli bo‘ling
Faqat qaynatilgan yoki ishonchli manbadagi suvdan foydalaning.

📌 6. Meva va sabzavotlarni yaxshilab yuving
Iste’moldan oldin oqar suvda yuvish shart.

📌 7. Muzlatkichni toza saqlang
Ichki qismini muntazam tozalab, haroratni nazorat qilib boring.

❗️Eslatma: Issiq havoda oziq-ovqat mahsulotlarini to‘g‘ri saqlash sog‘lig‘ingizni asrashning eng muhim omillaridan biridir.

Sog‘lig‘ingizni asrang!
Sanepidqo'mita Qo'shko'pir tuman bo'limi