Bozorlarda targ'ibot ishlari olib borildi.

Sanitariya-epidemiologik osoyishtalik va jamoat salomatligi qo‘mitasining Qo‘shko‘pir tuman bo‘limi xodimlari tomonidan tumandagi “Xosiyon” dehqon bozorida aholining sog‘lig‘ini muhofaza qilish va oziq-ovqat xavfsizligini ta’minlash maqsadida o‘rganish hamda nazorat ishlari olib borildi.                    
O'rganuv jarayonida:
- sotuvchilarning maxsus kiyimlarda faoliyat yuritishi,

- go‘sht va go‘sht mahsulotlarini saqlash qoidalariga amal qilinishi,

- baliq, go‘sht hamda parrandachilik mahsulotlarining sifatli saqlanishi,

- bozor hududida sanitariya-gigiyena qoidalariga rioya etilishi holatlari o‘rganildi.

Shuningdek, sotuvchilar va xaridorlarga oziq-ovqat mahsulotlarini to‘g‘ri tanlash, ularni iste’mol qilishda gigiyenik talablarga amal qilish va turli xil oziq-ovqatdan zaharlanish holatlarining oldini olish bo‘yicha tushuntirish ishlari olib borildi.

Mazkur targ‘ibot-tashviqot tadbirlari aholining salomatligini muhofaza qilish va sifatli, xavfsiz mahsulot iste’molini kengaytirishga xizmat qiladi.