Грипп мавсуми яқинлашмоқда

📌ГРИПП КАСАЛЛИГИГА БЕЭЬТИБОР БЎЛМАНГ!                                                                                                                                                           ⚡️Грипп энг кенг ва тез тарқаладиган ўткир юқумли касаллик бўлиб, асосан куз ва қиш ойларида кўп ҳолатда рўйхатга олинади.
⚡️Касаллик манбаи фақат бемор одам ҳисобланади, атрофдагиларга асосан ҳаво-томчи йўли билан бемор аксирганда, йўталганда, гаплашганда тез юқадиКасаллик тўсатдан ўткир бошланади.                                                               ⚡️Грипп нафас йўлларини яллиғланиши билан бошланиб, кейинчалик беморда тана ҳарорати 38-40 даражага кўтарилиши, бош ва томоқ оғриши, бурун битиши, бурундан суюқлик ажратиши, йўтал, мушакларда оғриқ, ҳолсизлик, иштаҳани бузилиши, баьзи ҳолларда қусиш ҳолатлари кузатилади.                                 ⚡️Касаллик беморларда енгил, ўрта ва оғир шаклларда кечади. Касалликнинг энг хавфли асоратлари  ўпка тўқималарининг яллиғланиши пневмония, менингит, менингоэнцефалит, отит, синусит, нефрит, пиелонефрит касалликларини келтириб чиқаради. Шунинг учун ҳам халқ орасида гриппнинг ўзи эмас, балки унинг асоратлари ёмон деган фикр бежиз айтилмаган.                                          ⚡️Касалликни олдини олишда танани чиниқтириш, бадантарбия билан мунтазам шуғулланиш, очиқ ҳавода юриш, ўз вақтида овқатланиш алоҳида аҳамиятга эга.Кўпроқ совуқ кунларда иссиқ кийиниш, албатта бош кийим кийиш, оёқларни иссиқ бўлиши муҳимдир.хоҳласангиз, грипп ва ўткир респиратор касалликларига гумон қилинса, дарҳол шифокорга мурожаат қилинг.                                                                                                                                              ⚡️Унутманг, касалликни даволагандан кўра унинг олдини олган афзал.