"Zilzila va Yong'in bilan bog'liq favquloddagi vaziyatlarda maxsus-taktik o'quv mashqlari o'tkazildi.

Qo'shko'pir tumani Sanitariya epidemiologik osoyishtalik va jamoat salomatligi bo'limida "Zilzila va Yong'in bilan bog'liq favqulodda vaziyatlar yuzaga kelganda to'g'ri harakatlanish va oqibatlarini bartaraf etishda obyekt fuqaro muhofazasi tuzilmalari va tuman FVDqT xizmatlarining hamkorlikdagi harakatlari" mavzusida maxsus-taktik o'quv mashqlari o'tkazildi.
Mazkur o‘quv mashqlari davomida zilzila sodir bo‘lganda xodimlarning to‘g‘ri va tezkor harakatlanishi, jabrlanganlarga birinchi tibbiy yordam ko‘rsatish, aholini xavfsiz hududga evakuatsiya qilish hamda hududda sanitariya-epidemiologik osoyishtalikni ta’minlash bo‘yicha amaliy ko‘nikmalar mustahkamlandi.
Shuningdek, fuqaro muhofazasi tuzilmalari va tuman FVDqT xizmatlari o‘rtasidagi o‘zaro hamkorlik, tezkor axborot almashinuvi hamda favqulodda vaziyat oqibatlarini qisqa muddatda bartaraf etish mexanizmlari sinovdan o‘tkazildi.
Mazkur o‘quv mashqlari favqulodda vaziyatlarga tayyorgarlik darajasini oshirish, xodimlarning malakasini mustahkamlash hamda aholi xavfsizligini ta’minlashda muhim ahamiyat kasb etadi.