Gripp va O‘RVI mavsumi boshlandi! O‘zingiz va yaqinlaringizni himoya qiling

Sovuq kunlar kelishi bilan gripp va O‘RVI viruslari faolashadi. Kasallik tana harorati 38–40°C gacha ko‘tarilishi, bosh va tomoq og‘rishi, zo‘raygan yo‘tal, burun bitishi, mushak og‘rig‘i va holsizlik bilan kechadi. Ayrim hollarda qusish ham kuzatiladi.

Eng xavfli asoratlar: pnevmoniya, meningit, meningoentsefalit, otit, sinusit, pielonefrit.

Kimlar xavf guruhida?

-homilador ayollar

-6 oydan oshgan bolalar

-surunkali nafas va yurak-qon tomir kasalliklari bor shaxslar

-60 yoshdan oshganlar

-internatlardagi bolalar va qariyalar

-tibbiyot xodimlari

Grippdan himoyalanishning eng samarali yo‘li — emlash!

Vaksina kasallikni yengil o‘tkazishda va og‘ir asoratlarni oldini olishda ishonchli himoya beradi.

Profilaktika bo‘yicha tavsiyalar:

-mavsumga mos kiyinish
-yetarli ovqatlanish va dam olish
-xonalarni muntazam shamollatish
-har kuni nam tozalash
-maktab va bog‘chalarda ertalabki filtrni tashkil qilish
-kasallik alomatlari bor bolalarni jamoaga qo‘ymaslik
-toza havoda sayrni ko‘paytirish
-jamoat joylarini kuniga 3–4 marta shamollatish va dezinfeksiya qilish

Sog‘ligingiz – o‘z qo‘lingizda. Gripp mavsumida hushyor bo‘ling!