GRIPPNING ENG KENG TARQALGAN ASORATLARI

 GRIPPNING ENG KENG TARQALGAN ASORATLARI
Gripp — oddiy shamollash emas. U o‘z vaqtida davolanmasa, jiddiy asoratlarni keltirib chiqarishi mumkin. Quyida eng ko‘p uchraydigan va xavfli asoratlar keltiriladi:

1. O‘pka yallig‘lanishi (pnevmoniya)

Grippning eng xavfli asoratlaridan biri bo‘lib, yuqori harorat, kuchli yo‘tal va nafas qislishi bilan namoyon bo‘ladi. O‘z vaqtida davolanmasa, hayot uchun xavf tug‘dirishi mumkin.

2. Yurak-qon tomir tizimi buzilishlari

Gripp yurak mushagining yallig‘lanishiga (miokardit), yurak ritmi buzilishiga va qon bosimi izdan chiqishiga sabab bo‘lishi mumkin.

3. Quloq yallig‘lanishi (otit)

Ko‘pincha bolalarda uchraydi. Quloq og‘rig‘i, shish va eshitishning pasayishiga olib keladi.

4. Burun-bo‘g‘iz yallig‘lanishlari

Sinusit, tonzillit va bo‘g‘izdagi yallig‘lanishlar kuchayishi kuzatiladi. Bosh og‘rig‘i va burun bitishi bilan kechadi.

5. Markaziy asab tizimi asoratlari

Ensefalit yoki menenjit kabi kam uchraydigan, ammo juda xavfli holatlar kuzatilishi mumkin. Bosh og‘rig‘i, hushning pasayishi, ong chalkashishi bilan kechadi.

6. Bolalarda uchrashi mumkin bo‘lgan holatlar

-Tutqanoq (febril convulsiyalar)

-Kuchli suvsizlanish (dehidratatsiya)

-Ishtahaning yo‘qolishi va holsizlanish

7. Keksa yoshdagilar va surunkali kasalligi borlarda

Surunkali bronxit, diabet, yurak kasalliklari va astma holatlari og‘irlashishi mumkin.

Kimlar uchun gripp asoratlari xavfli?

-5 yoshgacha bo‘lgan bolalar

-65 yoshdan katta shaxslar

-Homilador ayollar

-Surunkali kasalligi borlar

-Immuniteti past bo‘lganlar

Profilaktika eng yaxshi himoya

-O‘z vaqtida emlanish

-Qo‘llarni tez-tez yuvish

-To‘g‘ri ovqatlanish va immunitetni mustahkamlash

-Odam gavjum joylardan saqlanish